+375 [17] 259-18-34

+375 [17] 259-18-72

Аб кампаніі

Для таго, каб  удасканаліць сістэму рэалізацыі прамысловай прадукцыі на экспарт, Міністэрства лясной гаспадаркі Рэспублікі Беларусь ў 1995 годзе прыняло рашэнне стварыць ўнутрыгаліновыя прадпрыемствы. Экспартна-вытворчае рэспубліканскае ўнітарнае прадпрыемства «Беллесэкспарт» (далей - УП «Беллесэкспарт») было заснавана загадам Міністэрства лясной гаспадаркі Рэспублікі Беларусь ад 19 ліпеня 1995 г. № 71.

УП «Беллесэкспарт» з'яўляецца адным з буйных пастаўшчыкоў прадукцыі на экспарт і прадстаўляе інтарэсы ўсіх 98 падведамасных арганізацый лясной галіны Рэспублікі Беларусь.

На прадпрыемстве УП «Беллесэкспарт» працуюць 97 супрацоўнікаў, з іх 24 супрацоўнікі філіяла ў г. Смалявічы.

Асноўная задача прадпрыемства - спрыяць прасоўванню айчыннай лесапрадукцыі на сусветны рынак, аказваць паслугі  па ажыццяўленні знешнеэканамічнай дзейнасці, заключаць экспартныя і імпартныя кантракты, падтрымваць грамадскія сувязі.

 Асноўнымі функцыямі УП «Беллесэкспарт» з'яўляюцца:

- камісійны гандаль лесапрадукцыяй на экспарт; 

- аптовы і рознічны гандаль таварамі; 

- камісійны  гандаль лесапрадукцыяй на ўнутраным рынку; 

- камісійны гандаль таварамі народнага спажывання; 

- аказанне паслуг па сэрвісным абслугоўванні лесанарыхтоўчых машын фірмаў Sampo Rosenlew OY (Фінляндыя) і Vimek (Швецыя); 

- паслугі па суправаджэнні пазыкі Сусветнага Банка і гранта Глабальнага экалагічнага фонду для праекта «Развіццё ляснога сектара Рэспублікі Беларусь». 

Для паспяховай рэалізацыі пастаўленых задач супрацоўнікі прадпрыемства ўдзельнічаюць у спецыялізаваных выставах (прычым не толькі ў Рэспубліцы Беларусь, але і ў краінах далёкага замежжа), сустрэчах, семінарах, прысвечаных пытанням ляснога комплексу, наглядна прадстаўляюць прадукцыю, што вырабляецца  прадпрыемствамі Міністэрства лясной гаспадаркі, на стэндах, якія пастаянна абнаўляюцца, выкарыстоўваюць фота - і відэаінфармацыю. Прымаюць удзел у перамовах з прадстаўнікамі фірмаў пакупнікоў, пастаўшчыкоў тавараў, прадстаўнікамі замежных дэлегацый. Удзел у падобных мерапрыемствах дае магчымасць валодаць інфармацыяй аб пакупніках па ўсёй Еўропе і, улічваючы попыт і прапанову, дапамагае паспяхова заключаць кантракты патэнцыяльных пакупнікоў з беларускімі вытворцамі. Праводзяцца маркетынгавыя даследаванні , якія дазваляюць своечасова кантраляваць  ваганні цэн не толькі на знешнім, але і  ўнутраным рынку.

Супрацоўнікі прадпрыемства выязджаюць да грузаадпраўшчыкаў і грузаатрымальнікаў для  праверкі якасці прадукцыі, бо менавіта гэты паказчык сёння з'яўляецца адным з галоўных. 

У УП «Беллесэкспарт» працуе згуртаваны, дружны калектыў кампетэнтных і адказных супрацоўнікаў, які пастаянна імкнецца да павышэння сваёй кваліфікацыі і якасці  паслуг.